حلوى سواغي بالبراليني و الشكلاط

السلام عليكم ورحمة الله وبركاته

 حلوى سواغي بالبراليني و الشكلاط  

المقادير:

-الجنواز * مقادير لمول كبير شوية *

6  بيضات

150 غرام دقيق

150 غرام سكر 

2  فاني 

- موس البراليني

70غ كريم باتسيير : * اي 1 اصفر بيضة + 1 م سكر + 10غ دقيق + 13 سل حليب*

1 ورقة جيلاتين

القليل من القهوة معصرة

1 ملعقة كبيرة عامرة من براليني

200غرام قشدة طرية 

- موس الشكلاط

100 غرام حليب

1 ورقة جيلاتين

200 غرام قشدة 

120 غرام شكلاط اسود 

-للتزيين

كناش : *250 غرام شكلاط اسود + 150 مللتر قشدة + 30 مللتر حليب + 15 مللتر كليكوز*

لوز مقلي ومهرمش

-الطريقة 

تحضير الجنواز

نفصل بياض البيض على الاصفر . ونطرب الابيض حتى يصيح مثل الثلج

من بعد نطرب اصفر البيض جيدا حتى يصبح الخليط رغوي

ونضيف السكر و الفاني ونستمر في الخلط  جيدا

ونزيد الدقيق مغربل ونخلط 

ثم نضيف ابيض البيض على 3 دفعات مع التحراك بملعقة خشبية من الاسفل للاعلى 

نصب الخليط في مول ملبس وتدخل للفرن على نار هادئة حتى طيب 

هنا قلبتها فوق منديل حتى تبرد

- ندوزو ونجدو موس الشكلاط

ندوب الشكلاط فحمام مريم

ونزيد عليه الحليب 

نطرب القشدة جانبا و نزيد عليها خليط الشكلاط و الحليب شوية بشوية مع الاستمرار في الخلط وفي الاخير نضيف الجيلايتن مبلل و مذوب

ونحصلو على خليط بهذا الشكل

ناخد قوالب السيليكون ونصب فيهم لاموس الذي جهزنا بهذا الشكل الذي فالصورة يعني الوسط يبقى فارغ

وندخلو للثلاجة حتى يتماسك

-فهاد الاثناء نجهز موس البراليني

نجهز الكريم باتسيير كما العادة بالمقادير بالظبط التي كتبت الفوق ونتركها  فوق النار حتى تعقاد

في اناء نفرغ الكريم باتسيير الذي جهزنا ونضيف عليها البراليني و القهوة -ممكن 1 مك او 2 حسب الذوق- و نخلط الكل 

ونضيف عليهم القشدة مطربة و الجيلاتين مبلل و مذوب ونخلط الكل 

نخرج قالب السيليكون من الثلاجة و نعمرو الوسط بموس البراليني 

ونغطي ب دائرة من الجنواز اللي وجدنا و تدخل للثلاجة ليلة كاملة 

 

ثاني يوم نخرج الحلوى من الثلاجة و نضعها فالمجمد فقط تجمد نخرجها ونزيلها من القوالب *بهاد الطريقة سوف نزيلها بكل سهولة وشكلها يبقى متناضر*

نوجد الكناش بالمقادير اللي كتبت اعلاه اي ندير القشدة و الحليب يغلي على نار مهيلة نزيد الشكلاط ثم الكليكوز ونخلط ونتركه يدفا قليلا ونصبه على الحلوى فقط على الوجه الجوانب لا 

و الجناب نزينهم باللوز المهرمش و نزلت حبة البندق فالوسط 

وهاهي واجدة -فالصورة اول وحدة على اليمين-

صدقوني كتجي رااااااااااااااااااااااااائعة وبنينة واي واحد كيذوقها عندي كيطلب مقاديرها 

- انا درت غير نص المقادير اللي كتبت ليكم

-بالنسبة للقشدة استعملت هولالا فيها كمية مزيانة وغير بعلبة وحدة وجدت كاملين الحلويات اللي فالبلاطو 

- بالنسبة البراليني وجدتو بهاد الطريقة درت 100 غ سنيدة + 100غ لوز ودرتهم فمقلة على نار مهيلة حتى ذابت سنيدة ورجع معسل خويتو فوق ورق سلفيريزي حتى برد وبديت نطحنو اي نطحن شوية ونوقف ونطحن شوية ونوقف حتى كيرجع كما فالصورة