طريقة صنع صابون بالنخالة في البيت

السلام عليكم ورحمة الله وبركاته

طريقة صنع صابون بالنخالة في البيت

حبيباتي ليوم جبت لكم صابونة فعالة في تبييض الوجه و تنقيته من الشوائب وآثار حب الشباب وعن تجربة شخصية مني

مكونات صابون النخالة 

نصف صابونة بلا ريحة 

ملعقة كبيرة نشا 
3 ملاعق كبار النخالة

ملعقة كبيرة ماء الورد

ماء غليان 

طريقة صنع صابون بالنخالة في البيت

نحكو الصابون

نخويو عليه الما غليان ونخليوه يطلق 20د

من بعد نزلوه فوق عافية مهيييييييلة و نزيدو عليه ملعقة كبيرة نشا ونحركو  و غير يدفا عاود ونطفوي عليه

من بعد نضيفو النخالة و نحركو مزيا ا ا ا ا ان

من بعد نزيدو لو معلقة كبيرة ماء الورد ونحركو مزيااااان

من بعد ناخدو بواطة ندهنوها بزويتة بلدية 

 ونكبو فيها الخليط ديالنا ونبسطوه مزيان 

 وندخلوه لفريڭو ساعة و نخرجوه نقلبوه من لبواطة 

 ونقطعوه طريفات أنرجعوه للبواطة وندخلوه للثلاجة وقت مابغينا نغسلو وجهنا ناخدو طريف لي يكفانا لغسلة وحدة أنا تنقسم طرف على 2 وتنغسل بيه المرة لولة و نشف وجهي من بعد نحط الطرف ثاني على وجهي على شكل ماسك 5د من بعد بڭومي بيه وجهي ونغسلو وندهن بكريم مرطب ديالي نتمنى نكون فسرت مزيان