بسطيلات صغار بالخضر

السلام عليكم ورحمة الله وبركاته

 بسطيلات صغار بالخضر

طريقة تحضير بسطيلات صغار بالخضر

مقادير بسطيلات صغار
بصلة مشلظة
زلافة خيزو محكوك تقريبا 2 كبار
ربع ليشو مشلظ رقيق
فيلي لاداند أو دجاج 
كاس كبير كريم فريش يمكن تعويضها بحليب مع فرماج مثلث أو مربع
ملح
وإبزار
ربيع مقطع 
ملعقة صغيرة موطارد
1/2 كاس زيت وزبدة
أوراق بسطيلة
طريقة تحضير بسطيلات صغار بالخضر
في مقلة نشحرو بصلة مع ملعقة زبدة ونضيفو ليشو حتى ينزل ونزيد خيزو مع ملح وإبزاروملعقة ربيع من بعد نضيف 4 المعالق كبار كريم فريش ونمهلو عليهم العافية حتى تنشف الخضرة مزيان

  
في مقلة ثانية نديرو ملعقة زبدة ونزيدو الدجاج ملح إبزار موطارد أعشاب منسمة ربيع من بعد نضيف لاكريم فريش نتسنى عليه حتى تشرب ونطفي
ونبداو نعمرو البسيطلات ديالنا طبقة خضرة وطبقة دجاج وشوية الفرماج 

هاهي البسطيلة بالخضر واجدة