تشيز كيك

السلام عليكم ورحمة الله تعالى و بركاته 

تشيز كيك

اليوم ان شاء الله بغيت نقدم ليكم تشيز كيك نتمنى من الله تعجبكم

 المقادير:

البسكوي انا استعملت مقادير  لا باط سابلي  وهي كالتالي:

150 غ زبدة
90 غ سكر كلاصي
بيضة صغيرة مخفوقة
250 غ من لطحين

مقادير الحشوة:

300 غرام سكر

راس ملعقة صغيرة ملح

15 غرام ديال النشاء

5 او 6 فريزات مطحونين

5 اصفر بيض

2 كيسان حليب

2 باكيات فاني

2 معالق كبار عصيرحامض 

350 جبنة قشدية انا ستعملت فيلاديلفيا

2 كيسان كريم فريش

المانجو لتزيين جناب المول

الطريقة:

طريقة البسكوي:

نطربه الزبدة وسكر كلاصي مزيان حتى تصبح عندنا كريمة لونها باهت

ثم نضيف الها البيض المخفوق ونطرب جيدا

ثم نضيف الدقيق شوي بشوي

نجمع لعجينة ونديرها فى بلاستيك ونخليها ترتاح 30 دقيقة

بعدها نحطو العجين على المول ديالنا (للاشارة انا ستعملت 2 مولات)

نقاده لعجينة فى المول ونديره فيها ثقوب بالفرشيط

وندخلها للفرن (منين يطيبو نعاودو العملية مرة اخرى

اذن عندنا 2 بسكوي فكل مول)

نخليوهم على جنب

طريقة الحشوة:

نخلطو السكر الملح النشاء الفريز اصفر البيض في اناء كبير
نبداونطربو بالطراب اليدوي وحنا كنضيفو الحليب

ثم نضيفو الفاني

نديرو الخليط فكاسرونة و نديروه على عافية مهيلة مابين 15 حتى  18 دقيقة

الخليط كيبدا يتقال من بعد نخله عل جنب يبرد

 نطربو الجبنة القشدية و نضيفو الحامض

و نطربو الكريم فريش في اناء اخرى و نحطوهم على جنب

ثمى نجيبوالخليط ديال الكريم الاول لي خلينا يبرد

ثم نضيفو الجبنة القشدية

نضيفو ليه لكريم فريش

نخلطوكلشي مزيان

نجيبو المول ندهنو الجناب بالزبدة

نحطوالبسكوي الاول

و نستفو المانجو

و نسقيوالبسكوي بالسيرو

نكبو الخليط 

و نحطوةالبسكوي التاني ملفوق ونسقيو مرة اخرى

و ندخلوه للثلاجة حتى يبرد تقريبا 2حتى 3 ساعات 

هنا خرجت الحلوى و حطيت وحدة فوق وحدة ثم درت عليها سكر كلاصي و زينتها بالفواكه لي عندي

و ها هي منين قطعتها وبالصحة و الراحة 

في امان الله