السلام عليكم ورحمة الله وبركاته
ميني شيز كيك
المقادير :
اي بسكويت انتي تفضلينه ( انا ستخدمت اوريو وقبلها استخدمت بسكويت الليمون)
- 8 حبات كيري ( يكون ذايب شوي يعني بحرارة الغرفة حتى لا يتكتل بالخلط )
– 2 بيض
– نصف كأس سكر أو اقل
– فانيلا
– بشر ليمون
– وعصرة ليمون
للتزين :
بلو بيري
– جيري أو توفي ومكسرات
اوراق الكب كيك
الطريقة :
اجيب صينية الكب كيك واخلي فيها اوراق الكب كيك
افتح بسكويت الاوريو او اي بسكويت تفضلينه افصل البسكوته واخلي البسكوته الي فيها زبدة في اوراق الكب كيك
الطريقة:
اخلي جبن الكيري في اناء الخلط
اضيف السكر فوق الجبن
والبيضتين
اجيب ليمونه واخذ منها بشر الليمون وعصير منها شوي بس
واخليهم بالخلاط عدل
المهم نجي نصب الخليط على كل بسكوته تقريبا لفوق ( هذا المقدار يسوي 12 ميني شيز كيك )
ادخل الصينة الفرن مسخن سابقاً مدة ربع ساعة تقريبا او لما تشوفين الخليط ارفع شوي وجمد افتح الفرن من فوق شوي
شوفو شكلها تجنن وريحتها رائعة
اخليها تبرد اول بعدين ازينها
اجيب التزيين الي تحبينه وتفضلينه اني جبت لكم ( جيري – بلو بيري )
0 التعليقات :
إرسال تعليق