السلام عليكم و رحمة الله تعالى و بركاته
ديماكيون démaquillant ديال العينين طبيعي ومن صنع يدي
اهلا الغزالات كيفكم, نتمنى تكونو على خير
اليوم جيت نوريكم باش كانمسح العينين ديالي من الماكياج ولا الكحل و لا القلم.
اقل ما يقال عليه ررررررائععععععع و الله و عن تجربة
هاد الوصفة خديتها من واحد البلوك ديال واحد الكاورية, درتو غير على الله و صدق لي حيث لقيت عليه راحتي ماشاء الله ماكاين مااحسن من الطبيعي
بسم الله المقادير:
زيت اركان ديال التجميل
ماء الورد
الطريقة:
المهم انا خديت القرعة ديال الديماكيون القديم خويتها و غسلتها و عقمتها.درت نصها ماء الورد و نصها زيت اركان
هو مين كايبقا شوية كايتفرق ماء الورد على الزيت بحال الديماكيونات ديال الماركات التجارية غير هادا طبيعي و ماكيضر ماوالو, عاد اركان مزيان للعينين و الهالات السوداء
0 التعليقات :
إرسال تعليق