طريقة تحضير الهريسة في البيت للاخوات المغتربات

السلام عليكم و رحمة الله و بركاته

طريقة تحضير الهريسة في البيت

مقادير تحضير الهريسة في البيت

1 كيلوغرام فلفلة حمرة

4 فصوص كبار ثوم 

1 ملعقة صغيرة ثوم بدرة ثوم مجفف

1 ملعقة صغيرة بدرة البصل المجفف

1/2 قصبر حبوب

1 ملعقة صغيرة عصير حامض

2 ملعقة كبيرة زيت العود

ملح

سودانية

طريقة تحضير الهريسة في البيت

نذهن الفلفلة بالزيت و نشويها في الفران من نخرجه لويها مباشرة في ورق السلفيريزي ثم البلاستيك حتى تعرق

ثم نقشرها و نحيدلها الزريعة لي في الداخل

 و نطحنها مع الثومة و الملح و بدرة الثوم و البصل المجففين

و القصبور حبوب و سودانية

 ( أنا الفلفلة لي استعملت كانت حلوة إلا استعملته الحارة بلا متعمله السودانية )

من بعد نضيف الحامض و زيت العود و نشحرها حتى توقف 

ثم نعملها في قرعة ديال الجاج

و نصب عليها قليل من زيت الزيتون و نغلقها مزيان

 و نحطها في الثلاجة من الأحسن نجمدها باش تصبرلنا 

و بالصحة و الراحة